ياعالم ..الشعب رايح وين ؟!

كتب النازج / شادي جواد صقر 

اكمل الكم يومى واحكيلكم عن عيونى 
عيونى الى شافت الامرين 
بعد ما اجى النت من اسبوعين انشر الكم النازح اتنين
انا النازح الى ماشى ومش عارف وين 
شايف وساكت ومش عارف قضيتى رايحه وين
الخيمه جارتها خيمه والحال واحد على كل الجنبين 
يا عالم الشعب رايح وين 
انسيت احكيلكم عن علبه الفول الى كانت سته بعشره صار سعر العلبه اتنين
شفتوا شعبنا عايش وين
فى الصبح والليل بنسمع راديو على امل تنحل بيومين 
وصراعات كراسى عن الحكومه و الحكومتين 
كيف بدك الانسان يعيش والى عنا عراسهم ريش
المعالم عنا كانت كتير ويامحلى حمام السمره مع ناس قهاقير 
والشوارع راحت من تحت ايد الخنازير
يا محلى الساحل والمينا الى كنا نسهر فيها لليل
راح مستقبل اولادنا بعد ما فقدوا كتابنا 
والعلم صار مغشوش فيه والى بحكى عليه صار مرشوش
يا عالم احنا رايحين وين 
كانت عنا نافورة تجمع حوليها اهل المعمورة 
بين جار وجار والباقى يحتار 
يحسد قعدتنا بدون مشاكل او مختار 
بنحبش الاكامول صرنا نتعاطى ڤولتامول
والبيبى اسبرين لحق لحق ومفيش دكتور
ويامحلى الكبونه الى كنا نوزعها ببلاش صرنا نشتريها بمليونين
ولسه يا عالم احنا وين رايحين 
عرفتونى انا مين انا النازح فى ارض الرباط من سنين 
اااااخ يا وطن يلى دبحوك بسكين 
و دمك سال على كل قبور الناس الى ماتوا مظلومين 
صرنا نمشى زى الدراويش ويا عالم حناكل علقه ببرابيش 
معلش صرنا دراويش
اخ يا وجع القلب على هادا الزمن 
بفتخروا باعمالهم ونسيوا شعبهم لحالهم
كل يوم طالع وداير وشايف 
وبس اروح ادور عالحبوب الى هيا يا كتمول او فولتمول
و اقعد افكر كيف كنا وكيف صرنا هالايام
وياخوفى يعملوا بوابات شرقيه وغربيه ونروح عالهويه 
راح تكون الحرب مابعد الحرب والزومبا فى كل حاره وشارع 
والريحه مش مسك فايح الريحه ريحه واحد تايه 
ما بنسى كيف طلعنا بنص الليل
حتى شفتونا واحنا حاملين هالبستين
صوره النا جمعتنا وهما معنا 
وكتبوا عليها شو بدكم من شعب ما ترك حيواناته بدكم يترك وطنه المظلوم مرتين
اااااه على اول الايام تعذبنا فيها من مكان لمكان 
وندخل من حزام لحزام ونتشاهد فى كل مكان 
وقعدنا بين الشجرتين ومعى عيله بنحبهم اكثر من العينتين 
نمنا فى الشارع و بالمستشفى نستنى نهار طالع
ندعى لربنا ونقول ايمتا الهم زايح 
وهينى لليوم سايح فى وحل عايم
ولسه بنحكي ايمتى نرجع على بيتنا الى رايح 
انا النازح الى داير
انا النازح تعباااان ومش فاهم
انا النازح مش عارف ايش اخبار الوطن الرايح
كلماتى شادى صقر ابو عدى
انا النازح 2